Booliska Galmudug oo gacanta ku dhigay Qamri fara badan+Sawirro

22

Ciidamada Booliska iyo kuwa millatariga Magaalada Caabudwaaq oo iskaashanayo ayaa waxay kusoo qabteen Qamri iyo Dadkii ka ganacsanayay, ka dib howlgallo ay Saacadahii lasoo dhaafay sameeyeen.

Taliyaha Boliiska saldhiga degmada Caabudwaaq G/le Qalbi Axmed Cali oo wareysi siiyay warbaahinta Qaranka ayaa sheegay in ciidanku ay gacanta ku dhigeen 7 kamid ah dadka ka ganacsada maandooriyaha Qamriga.

Taliyaha ayaa tilmaamay in maandooriyahaan laga soo geliyo dhanka Itoobiya, wuxuuna bulshada iyo dadka keenaba uga digay isticmaalka iyo ka ganacsiga Qamriga oo Diinta Islaamku mamnuucday isticmaalkiisa.

Khamriga ayaa lagu burburiyay goob fagaar ah oo ay ku sugnaayeen Dad weynaha Magaalada iyo saraakiisha qeybaha kala duwan ee Ciidamada amniga Caabudwaaq.