Ciidanka Dowladda oo Maanta Dagaal kula wareegay degaano hor leh

11

Wararka aan ka heleyno deegaano hoostega Magaalada Dhuusamareeb ee Caasimadda Galmudug ayaa waxaa ay sheegayaan in dagaal xoogan oo u dhexeeya Ciidanka Xoogga qeybt 21-aad iyo Al-shabaab uu ka ka socdo halkaas.

Dagaalkaan ayaa waxaa uu ka dambeeyay, kadib markii Ciidanka dowladda ay weerar ku qaadeen fariisimo Al-shabaab ay ku lahaayeen labi-dulle iyo dhabana-dhulkuheys, isla markaana waxaa dhacay dagaal la isku adeegsaday hubka noocyadisa kala duwan.

Dad ayaa ku warramay in dagaalka uu ka dhashay khasaaro isugu jira dhimasho iyo dhaawac oo dhinacyada soo kala gaaray, in kastoo aan si rasmi ah loo xaqiijin inta uu yahay, maadaama aaga aan laga aqdhawaan karin, lana maqlayo rasaas.

Saraakiil ka tirsan Ciidanka dowladda ayaa sheegay in Al-shabaab ay kala wareegeen deegaanada labi-dulle iyo dhabana-dhulkuheys oo ay ku lahaayeen fariisimo, iyagoona sheegay Saraakiisha in halkaas ay shabaabka weeraro kasoo qaadi jireen.

Maalmo kahor ayey aheyd markii Ciidanka Xoogga dalka qeybta 21-aad iyo kwua Galmudug ay la wareegeen deegaanka Sinadhaqo iyo tuulooyin kale oo hoostega Magaalada Dhuusamareeb, waxaana halkaas shalay booqday Madaxweynaha Galmudug Axmed Qoorqoor.