DF oo joojisay Banaanabax lagu qabto Muqdisho

22

Sii-hayaha Wasiirka amniga Xukuumadda Federaalka Soomaaliya Xasan Xundubey Jimacaale ayaa ka hadlay xaaladda amni ee dalka, Cudurka COVID-19 iyo banaanbaxa ay mar labaad ku dhawaaqeen Midowga Musharaxiinta Madaxweynaha.

Wasiirka amniga oo shir jaraa’id ku qabtay Xarunta Wasaradda Warfaafinta ayaa waxaa marka hore sheegay in la qabtay Nin Maanta watay Qaraxii ka dhacay meel ku dhow Saldhiga Booliska degmada Xamarweyne ee Gobolka Banaadir, uuna ku dhaawacmay hal Sarkaal.

Waxaa uu sheegay in Ninka markii hore uu doonayay inuu shacabka isku qarxiyo, balse uu tuuray Jaakadii qaraxa, uuna isku dayay inuu baxso, hayeeshee markii dambe Ciidanka dowladda qabteen, isagoo xusay in arrintaas ay tahay mid cusub.