DFS: MA JIRO QORSHE LAGU WEERARO SAADAQ JOON

12

Wasiirka Amniga Soomaaliya Xasan Xundubay ayaa sheegay in dowladda aysan u qorsheysnayn weerar ay ku qaado Taliyihii hore ee Booliska gobolka Baandir Saadaq Joon.

Wasiir Xundubey oo hadlay saqdii dhere ee caawa ayaa yiri “Saadaq Joon dowladdu haddii ay rabto in ay tallaabo ka qaado saacadihii ugu horreeyay ayay ka qaadi kartay, laakiin lama qorsheyn in ninkaas wax tallaabo ah laga qaado”.

“In la weeraro xaafadaha uu degan yahay oo ah kuwo nabdoon dowladdu uma aragto in wax dan ah ku jirto” ayuu hadalka ku daray Wasiirka Amniga Soomaaliya.

Hadalka Wasiirka ayaa yimid kadib markii caawa xildhibaano la heyb ah Saadaq Joon sheegeen in dowladdu qorsheynayso weerar ay ku qaado xaafadda Shirkole oo degan yahay Saadaq Joon.