Dowladda Oo Soo Saartay Shuruucda Marista Waddooyinka Muqdisho

51

Iyadoo Magaalada Muqdisho ay ku soo badanayaan gaadiidka noocyadiisa kala duwan ayaa Wasaaradda Gaadiidka iyo Duulista Hawada Xukuumadda Federaalka Soomaaliya waxa ay ka hadashay qorshayaasha wasaarada iyo howlaha sharuucda marista wadooyinka oo ay soo saartay wasaaradda kaasi oo la doonayo in lagu dhaqo gaadiidka noocyadiisa kala duwan ee ka howlgala dalka gaar ahaan Muqdisho.

Wasaaradda Gaadiidka iyo Duulista hawada dowladda Soomaaliya ayaa tilmaamtay in ay jiraan dadaalo iyo horumaro ay ka sameysay sidii loo bari lahaa gaadiidleyda shuruucda iyo ku dhaqanka ilaalinta nidaamka marista wadooyinka ayna diyaarisay wasaaradda sharcigii wado marista.

Agaasimaha guud ee Wasaaradda Gaadiidka iyo Duulista hawada xukuumadda Federaalka Cali Gacal Gaabow ayaa ka warbixiyay horumarada waxqabadka wasaaradda qorshayaasha wasaaradda iyo diiwaan galinta gaadiidka.

Sidoo kale Wasaaradda Gaadiidka iyo Duulista hawada dowladda Soomaaliya  ayaa sheegtay in wasaaradda ay ku guuleysatay in ay diyaarisay sharuucda marista wadooyinka.