Dowladda Soomaaliya Oo Ku Dhawaaqday Xaalad Deg Deg Ah Oo Ku Saabsan Ayaxa

30

Wasaaradda Beeraha iyo Waraabka Xukuumada Federaalka Soomaaliya ayaa ku dhawaaqday xaalad deg deg ah oo ku saabsan Ayaxa lama-degaanka ee ku dagay Koonfurta Soomaaliya oo dhibaato weyn u geystay beeraleyda.

Mas’uuliyiinta Wasaaradda Beeraha iyo Waraabka Soomaaliya oo kulan deg dega maanta la yeeshay Madax ka socotay Wasaaradaha beeraha ee maamul goboleedyada iyo hey’adaha caalamiga ah ee ka shaqeeya wax soo saarka iyo deeqbixiyayaasha ayaa ku dhawaaqday xaalad deg dega oo ku saabsan Ayax ku degay Koonfurta Soomaaliya sida Hirshabeelle, Koonfur Galbeed iyo Jubbaland, kaas oo qasaaro badan u geystay beeraleyda, islamarkaana horseeday xaalad cuno yari ah, maadaama uu baabi’yay dalagyo badan, taas oo saameyn weyn ku yeelatay qoysas badan oo ku tiirsan tacabka beeraha iyo wax soo saarka.