Golaha Wasiirada Galmudug Oo Kulan Deg-Deg Yeeshay Iyo Go’aan Lasoo Saaray

67

Golaha Wasiirada Galmudug ayaa Maanta oo sabti ah kulan deg deg ah ku yeeshay Xarunta Madaxtooyada Magaalada Dhuusamareeb, iyadoo kulanka uu shir guddoomiyay ku-simaha Madaxweynaha Galmudug ahna Guddoomiyaha Baarlamaanka Maamulkaas.

Kulanka ayaa waxaa diirada lagu saaray inta uu socday xaaladihii ugu dambeeyay ee Cudurka halista ah ee COVID-19 ee deegaanada maamulka, waxaana Golaha Wasiirada ay dood dheer ka yeesheen sidii looga hortegi lahaa Cudurka.

Wasiir dowlaha Wasaarada Caafimaadka Galmudug Axmed Mirre Faafaale ayaa kulanka looga dhageystay warbixin ku saabsan Xaaladaha Cudurka COVID-19 iyo qorshaha Wasaaradda u dejisay dadka uu soo rito Cudurka.