Sawirro: Gacal Oo Guddoomiyay Kulanka Guddiyada Joogtada ee Barlamaanka Galmudug

21

Gudoomiyaha baarlamaanka dowlad goboleedka Galmudug Dr Maxamed Nuur Gacal ayaa shir gudoomiyay kulankii 1-aad ee guddiyada Joogtada ah ee Kalfadhiga 2-aad ee baarlamaanka Galmudug.

Kulanka oo arrimo badan looga doodey waxaa ku wada sugnaa dhammaan Gudoomiyaasha guddiyada Joogtada ah, iyadoo arrimaha looga hadlay uu ka mid ahaa dardar gelinta hawlaha Baarlamaanka.

Xoghayaha guud ee baarlamaanka dowlad goboleedka Galmudug mudane Xasan Maxamuud Faarax (Janagale) ayaa sheegay in kulanka uu ahaa mid loogu gogol xaaraayey furitaanka kal Fadhiga 2-aad ee baarlamaanka Galmudug. Sidoo kale kulanka inta uu socday waxaa warbixino looga dhageystay guddoomiyaasha gudiyada iyagoona faah faahiyay waxyaabaha u qabsoomay baarlamaanka Kalfadhigii la soo dhaafey ee Golaha.

Kalfadhiga 2-aad ee golaha wakiilada Galmudug ayaa furmaya sida la qorsheeyay 27 bishaan waxaana ay ku beegantahay maalinta Khamiista ah ee soo socota iyadoo ay ka qeyb-gali doonaan madaxda sare ee dowlad goboleedka Galmudug.