Horjooge ka tirsan Al-shabab oo Lagu Dilay Deegaanka Jilib –Marka ee Gobolka sh/Hoose

31

Warar lagu kalsoonan karo ayaa tilmaamay in ciidanka Kumandoska Somalia ee Danab ay howlgal qorsheysan ku dilay Sarkaal sare oo ka tirsanaa Al-shabaab.

Saraakiil ka tirsan  Ciidamada Danab ayaa Sheegay in Howlgalka lagu dilay C/qaadir Yuusuf Abuu Xamsa oo Al-shabaab u qaabilsanaa tababarada iyo Maaliyada.

Sidoo kale saraakiisha  ayaa sheegaya in howlgalkan uu ka dhacay degaanka xeebta ee Jilib-Marka oo hoosyimaado magaalada Marka ee gobolka Shabeelaha hoose

Dhinaca kale Ciidanka Kumaandoska Danab ayaa sameeyay  howlgalka lagu soo qabtay xubno kale oo ka tirsan  Nabad diidka  Al-shabaab, kuwaasoo oo sharciga la marin doono.