Thursday, September 23, 2021
Bogga Hore Wararka Manta Laamaha amniga Gobolka Banaadir oo soo bandhigay burcad dadka degaanka dhac u...

Laamaha amniga Gobolka Banaadir oo soo bandhigay burcad dadka degaanka dhac u gaysan jiray

23

Laamaha ammaanka Gobolkani Banaadir ayaa gacanta kusoo dhigay Burcad dhac u gaysan jiray dadka degaanka, waxaana sidoo kale lasoo bandhigay qalab ay u adeegsan jireen in ay dadka ku dhacaan, sida Bistoolada macmal ah iyo Toorreeyo.

Burcaddaan ayaa gacanta lagu soo dhigay kadib markii Maamulka Degmada Heliwaa & Taliska Ciidanka Booliiska Degmada ay howgallo sameeyeen, taasi oo ku suurta gashay in ay soo qabtaan shakhsiyaadkaasi dhibaatayn jiray dadka degaanka.

Gudmiyaha Cusub ee degmada Heliwaa Mire Salaad Dhuxuloow oo howgalka kadib qoraal soos aaray yaa sheegay in raggaan ay gacanta ku dhigeen kadib howgallo ay sameeyeen, waxaan uu intaas ku daray in sida ugu dhaqsiyaha badan ay sharciga u hor keeni doonaan Burcaddaan dadka degmada ku nool dhibaatayn jiray.

“Maamulka Degmada Heliwaa & Taliska Ciidanka Booliiska Degmada aya Cawa Ku Guulestay koox_burcad ah Oo dhac ka Gesanesay Xaafado kamid ah Degmada Heliwaa, Sida Ad ujedan Gacanta aya lagu Hayaa Dhawana Sharciga Aya la Horkeena, Bulshada Degmada Heliwaa Waxan Ka Codsanena iney La shaqeyan Ciidanka Booliska & Maamulka Degmada, Si an uga Nadiifino Burcad dhibaatada ku wado shacabka Degmada” ayaa lagu yiri Qoraal kasoo baxay Maamulka Degmada.

Degmada Hiliwaa ayaa ka mid ah degmooyinka Gobolkani Banaaadir ee kooxaha burcadda ay inta badan dadka shacabka ah ku dhibaateeyaan, waxaana dhawaan isbeddal dhanka maamulka ah lagu sameeyay Maamulka Degmada, iyadoo guddoomiye Cusub loo Magacaabay Degmada.