Maamulka Galmudug oo ku dhawaaqay dagaal ka dhan ah Al-Shabaab

7

Madaxweynaha Dowlad goboleedka maamulka Galmudug mudane Axmed Cabdi Kaariye ayaa xalay ku booqday Ciidanka Xoogga Dalka Somaliyeed Qeybta 21aad deegaano ay ka socdaan howlgalo lagula dagaallamaayo  Nabad diidka Al-Shabaab.

Madaxweyne Axmed Cabdi Kaariye Qoorqoor ayaa  Shaaciyay howgal ka dhan ah Al-Shabaab oo dhawaan Ciidanka dowladda Soomaaliya iyo kuwa Darawiishta  maamulka Galmudug ay ka bilaabi doonaan degaanada ay gacanta ku hayaan ururka Al-Shabaab.

Qoor qoor  ayaa xusay in degaanada ay kaga sugan yihiin Al-Shabaab Galmudug in dhawaan lagala wareegi doono, islamarkaana ay diyaariyeen qorshihii lagu qabsan lahaa.

Madaxweynah Galmudug ayaa Sheegay  in Ciidaanka Maamulka  Galmudug ay u diyaarsan yihiin dagaalka Al-Shabaab ka dib markii uu dhawaan tababar u soo xiray ku dhawaad 500 oo askari.

Nabad diidka Al-Shabaab ayaa gacanta ku haya degmooyin ku yaala gobolada Mudug iyo Galgaduud ee Maamulkaasi Galmudug Dhowr jeerna waxa ay werero ka fuliyeen Magaalooyin ka tirsan Maamulkaasi