Maleeshiyaad ka tirsan Al-Shabaab oo gaadiid ku gubay gobolka Sh/Hoose

86

Warar ka imaanaya gobolka Shabeellada Hoose waxay sheegayaan in maleeshiyaad ka tirsan kooxda Al-Shabaab ay duleedka deegaanka Yaaqbari-weyne ku gubeen laba gaari xamuul ahaa.

Labada gaari oo sida la sheegay mid uu dhul siday kuna soo jeeday Muqdisho, midna ku sii jeeday deegaanka Yaaqbari-weyne ayaa waxaa dhex u galay koox la aaminsanyahay inay ka tirsantahay Al-Shabaab, kuwaas oo dab qabadsiiyay gaadiidka.

Dadka deegaanka ayaa sheegay in kooxdaasi ay jirdil u geysatay qaar ka mid ah dadkii watay gaadiidkaas, halka qaarna ay ka baxsadeen goobta, iyagoo ka baqaya inay waxyeello soo gaarto.

Inta badan maleeshiyada kooxda Al-Shabaab ayaa dhibaatooyin xoogan u geysto dadka rayidka ah ee ku dhaqan deegaanada ay sida dhuumaaleysiga ah ku joogaan.