QM Oo Soo Saartay Farriin Deg-Deg Ah Oo La Xiriirta Doorashada 2020/21

32

Warar hoose oo ka soo baxaya  xafiiska siyaasada QM ee xaruntooda ku taalla xerada Xalane ee magaalada Muqdisho ayaa Shabelle u sheegay in lagu amray wakiilada QM u qaabilsan M/Goboleedyada in ay xiriir la sameeyaan guddomiyeyaasha baarlamaanada dowlad gobaleedyada dalka.

Ujeedka xiriirka ayaa ah in Qaramada Midoobay ay dooneyso in sida ugu dhaqsiyaha badan lagu guda-galo dadajinta hanaanka doorashada ee 20/21.

Dhinaca kale  xogta xafiiska siyaasada ee QM  ayaa tilmaameysa in guddoonada baarlamaanada maamul-goboleedyada diyaar ula yahay bixinta dhammaan lacagaha ku baxaya doorashada Senat-ka.

Wararka la helayo waxa ay sidoo kale intaasi ku darayaan in toddobaadkan gudihiisa la filayo in Garowe iyo Kismaayo ay tagayaan wafdi ka socda Qaramada Midoobay, gaar ah arrimaha siyaasada (UN political Office in Mogadishu), si xal loogu helo tabashada labadaasi maamul.