Sababta Cali Khaliif u geeriyooday oo la shaaciyay.

50

Madaxweynaha dowlad degaanka Soomaalida ayaa Guddigii uu magacabay baaritaanka geerida Cali Khaliif Galaydh oo maanta ku geeriyooday magaalada Jigjiga, ayaa shaaciyay in marxuumka u geeriyooday cudurka Coranavirus oo uu maalmahaan la xanuunsanayay.

Wasiir ku xigeenka caafimaadka dowlad degaanka Soomaalida, Dr, Mukhtaar Yuusuf Muuse oo ku hadlayay magaca guddiga, ayaa sheegay in Cali Khaliif labadii maalmood ee ugu dambeysay uu la xanuunsanayay covid-19, balse xaaladdiisu ay soo xumaatay maanta markii xanuunku kusoo saa’iday.

“Maanta duhurkii ayuu billaabay naqasku inuu ku dhego, anigoo la jooga ayay naftu ka baxday, runtii waa geeri aad u xanuun badan,” ayuu yiri wasiirka caafimaadka degaanka Soomaalida

Dhinaca kale xukumada soomaaliya ayaa magacowday gudiga Aaska qaran.

Marxuum Cali Khaliif ayaa lagu aasidoonaa magaalada Muqdisho maalinta berrito ah, eheladiisa iyo dowladda Soomaaliya ayaa codsaday in maydkiisa Muqdisho loosoo qaado si halkaas aas qaran loogu sameeyo.