Shil aad u xun oo xalay ka dhacay Puntland.

31

Warar dheeraad ah ayaa kasoo baxaya shil gaari oo xalay ka dhacay deegaan ka tirsan Gobolka Sanaag, kaasi oo ka dhashay, kadib markii ay isku dhaceen gaari nooca xamuulka qaada iyo mid kale oo raaxo ahaa.

Shilkaas ayaa waxaa uu sigaar uga dhacay deegaan lagu magacaabo Libaaxo oo 86-KM u jira Mgaaalada Garoowe ee Caasimadda Puntland, waxaana ku dhintay hal ruux oo ahaa Darawalkii waday gaari raaxada, mana jiro khasaaro kale oo lasoo weriyay.

Dadka deegaanka ayaa ku warramay in labada gaari  ee isku dhacay ay ka yimideen dhinaca Magaalada Boosaaso, isla markaana kusii jeeday Garoowe, hayeeshee xili ay marayeen Libaaxo ayuu gaarigii weynaa dul-maray gaari yar oo gabi ahaan burburay.

Ninka shilka ku geeriyooday ayaa dad yaqaanay waxaa ay magacaabiisa ku sheegeen Jimcaale Daahir Cusmaan, waxaana goobta Meydkiisa ka qaaday  dad halkaas ka Agdhawaa, isagoona la geeyay Caasimadda Puntland ee Garoowe.

Habeen kahor ayay aheyd shil gaari uu ka dhacay degmada Dangoroyo ee Gobolka Nugaal ee Maamulka Puntland, waxaana shilkaas ku geeriyooday laba ruux, halka qof kalena uu dhaawac kasoo gaaray.