Wasiiro ka socda Dowlad Goboleedyada & DFS oo Shir uga Socda Muqdisho

50

Shir u dhexeeya Wasaaradaha Tamarta iyo Khayraadka Biyaha heer Federaal iyo Heer Dowlad Goboleed ayaa lagu qabtay magaalada Muqdisho.

Kulankaan waxaa ka qeybgalay sii hayaha Wasiirka Tamarta iyo Khayraadka Biyaha Xukuumadda Federaalka Soomaaliya Marwo Fowsiyo Maxamed Sheekh, mas’uuliyiin ka kala socotay Wasaaradaha Tamarta ee dowlad Goboleedyada iyo marti sharaf kale oo lagu casuumay Shirka.

Wasiiradii ka socday Wasaaradaha Tamarta iyo Khayraadka Biyaha ee Dowlad goboleedyada oo hadalo ka jeediyay furitaanka shirka ayaa waxa ay ka warbixiyeen baahiyaha dhanka adeeegyada biyaha ee ka jirta deegaanadooda,

Sidoo kale wasiiradaan ayaa tilmaamay meelaha ay ku xoogan yihiin iyo dhinacyada ay baahiyaha u qabaan shacabka in laga caawiyo, waxaana ay soo dhaweeyeen qorshayaasha horumarineed oo ay hormuudka ka tahay Wasaaradda Tamarta iyo Khayraadka Biyaha Soomaaliya.

Dhawaan ayaa la filayaa in magaalada Muqdisho uu ka furmo shirweynaha Qaran ee Qorshaha Hormarinta Biyaha dalka, kaasi oo ay hormuud ka tahay Wasaaradda Tamarta iyo Khayraadka Biyaha Soomaaliya.

Ugu dambryntii kulankaan ayaa waxaa soo xeray Marwo Fowsiyo Maxamed Sheekh Siihayaha Wasiirka Tamarta Soomaaliya oo ka hadashey shirka ayaa muujisay ahmiyadda uu shirkan horudhaca ah u leeyahay u diyaar garowga iyo qabsoomidda shirweynaha Qaran ee looga hadlayo Qorshaha horumarinta Biyaha ee dalka.

Soomaaliya ayaa waxa ay ka mid tahay dalalka soo koraayo ee biyo la”aanta ay ka jirto.