Xeer ilaaliyaha Qaranka Oo Daah-furay waraaqda qiimaynta Caafimaadka

39

Xafiiska Xeer-ilaaliyaha Guud ee Qaranka ayaa dib u casriyeen ku sameeyay xaashida Dhaqtarka ee Dhaawac Muujinta, taaso xoojinaysa Danbi-oogista, Danbi barista iyo Cilmiga forensikada ee dhibanayaasha Xad-gudubyada ku saabsan Jinsiga.

Xeer-ilaaliyaha Guud ee Qaranka Dr Sulaymaan Maxamed Maxamuud oo daahfuray Waraaqda Qiimaynta Caafimaadka oo ay ka qayb-qaleen xubno ka socday Xeer-ilaaliyasha Maaamul Gobaleedyada Soomaaliya ayaa sheegay in waraaqdan loo diyaariyay qaab casri ah oo la jaan-qaadaysa heerarka caalamiga ah.

“Waraaqda Dhaawac muujinta ee aan maanta daah fureyno waxa weeye, qeyb ka mid ah procedures ka loogu talagalay in cadaaladda lagu gaaro, markaan ka hadleyno hannaankaas cadaaladda lagu gaarayo ee la xiriirsan xaashida caafimaadku, warqadda xaashida caafimaadka warqad ku cusub ma ahan isticmaalkeeda dalka Soomaaliya, laakiin waxaa la dhigay mid casri ah”. Ayuu yiri Xeer Ilaaliyaha Guud ee Qaranka.